ووحده بوحده كـان عنـدك عدالـه اتبطّلـي غيبـه ... وابطّـل زقايـر

يـا غايبـه وان كـان فيهـا جمالـه تجمّلـي يـا امّ الحـلا والظفـايـر

يالله شوفـي صاحبـك كيـف حالـه شوفيه في غيبتـك وشلـون صايـر
صارت حياته ضيق خلق .. وبطالـه هم.. وسهر .. واوراق شعر و زقاير

يعني حبيبـك صـار حالتـه حالـه ماباقـي إلا انّـه يــدنّ العبـايـر
الله لامنّـه ذكــر مــا مضـالـه قبـل الدوايـر مـا تجـرّ الدوايـر

يـوم الطفولـه والشقـا والجهـالـه يوم الكبايـر فـي عيونـه صغايـر
ايـام كـان معـانَـدَه راس مـالـه و يسـوق لهبـال الشقـاوه بشايـر

ياما امتلـى بالحـب والطيـش بالـه وياما امتلت من شخبطتـه العوايـر
يكتـب عليها عااااشـقـك للثمـالـه ويخـط توقيعـه جريـح الضمايـر
ياما اشتكاه ابـوك فـي بيـت خالـه وياما تحصّل مـن هـواك العزايـر

مـرّه حلـف بانّـه يبطّـل هبـالـه وقبـل يكمّل..فـكّ اخـوه الستايـر
ثـم طالـع الشبـاك ..لينـك قبالـه وف اقل من لمح البصر جاك طايـر

علـى صغـر سنّـه مميّـل عقالـه كاشخ وناسـي لا يصـكّ الزرايـر
لا شافـك يتمتـم لحالـه بحـالـه: لعيـون هالشوفـه تهـون الخسايـر

ولا شاف زول ابوك.. حذّف نعالـه الحب جاير .. لكـن العـود جايـر
طفلٍ يتيـم ورغـم الاحـزان دالـه ما يدري ان حظه مع الوقـت بايـر

كنتي طموحه.. كنتي اغلـى حلالـه كنتي وصرتي.. بس يـا ام الظفايـر
طفلٍ زرع من ضحكتك فـي خيالـه لين اثمـرت شعـرٍ هزالـه حرايـر

لا تتركينـه فـي غيـابـك لحـالـه بالله شوفي كيـف هالطفـل صايـر
ووحده بوحده كـان عنـدك عدالـه اتبطّلـي غيبـه ... وابطّـل زقايـر

يسلمووووووووووووو الهنوف

على الطرح الجميل

والكلمات الاكثر من رائعه

لا تتركينـه فـي غيـابـك لحـالـه----- بالله شوفي كيـف هالطفـل صايـر

ووحده بوحده كـان عنـدك عدالـه---- اتبطّلـي غيبـه ... وابطّـل زقايـر


تسلم اناما يديك الطاهرة

على رائعتك الجميله

تقبلى فائق احترامى

ودمتى بود

صح السانك
الهنوووووووووووف
يعطيك العافية
على الابدااااااااااااااااااع
تقبلي تحياتي

صح لسانك وسلم بنانك
يعطيك الف عافيه
ويسلمووووووووووووووووو الهنوووووف

تقبلي تحياتي

صح لسانك يالغلا

تقبلي تحيات

اخوك

الوافــــــــــــي

هلا وغلا فيكم حبايب قلبي
اسير الشوق
روحي تحبك

قمر الدمام
الوافي

هلا وغلا منورين

يعطيك الف عافيه الهنوووووف من جد قمة في الرووووووووعه

تحياتي

هلاو غلا فيك